18.06.2023
Çempionatın qalibi polis oldu
Bu günlərdə Bakıda idmanın streetlinftinq növü üzrə keçirilən Respublika çempionatına yekun vurulub. DİN-nin Baş Mühafizəsi İdarəsi Göygöl Rayonlararası mühafizə bölməsinin əməkdaşı, polis serjantı Bəhruz Ələkbərov +100 kiloqram çəkidə yarışın qalibi olub.
İdmançımız turnik növündə belindən asılan 50 kiloqramın öhdəsindən layiqincə gəlib. Bununla da o, 8 rəqibini geridə qoyaraq fəxri kürsünün ən yüksək pilləsinə yüksəlib.
Həmkarımız daha öncə də Azərbaycan çempionatlarında yüksək nəticələr əldə edib. O, pauerliftinq üzrə 7, stronqman üzrə 5 qat ölkə birincisidir.
Qeyd edək ki, polis serjantı B.Ələkbərov 2009-cu ildən daxili işlər orqanlarında xidmətdədir.
Eşqin Qasımov,
polis kapitanı